Талдықорған қаласындағы Назарбаев Зияткерлік мектебінің оқушылары джиу-джитсудан «AIGA» облыстық турнирінің жеңімпаздары атанды

6-сынып оқушылары Әлімханов Кабир 1-орынды, Маманов Аят 2-орынды жеңіп алды.

Айта кетсек, жас спортшылар бірқатар республикалық және халықаралық деңгейдегі жарыстардың бірнеше дүркін чемпиондары.

Зияткерлік мектебінің 6-сынып оқушысы Әлімханов Кабир алтыншы жыл бразилиялық джиу-джитсу мен грэпплингтен түрлі жарыстарға қатысып келеді. Бірқатар марапаттары бар, бұл жолы да жақсы нәтиже көрсетті.

Жалпы, Кабир төрт жекпе-жек өткізді. Турнир қорытындысында алтын медальді жеңіп алды.

«Кабир мен Аят мектебіміздің мақтанышы. Жас спортшылар еңбекқорлық қашанда өз жемісін беретінін дәлелдеп келеді. Олар бірінші сыныптан бастап джиу-джитсумен айналысады. Өте тәртіпті, мақсатты күрескерлер. Бұл жігіттердің алар асуы әлі алда деп ойлаймын», - деп өз пікірімен Айдос Дюсентаев, мектеп жаттықтырушысы бөлісті.