Тәуелсіз Уикипедия әлемі

Мектебімізде Тәуелсіздік күніне орай уикипедия энциклопедиясына мақала жүктеу тәжірибесін тарату мақсатында мақсатында «WIKI CAMP» акциясы ұйымдастырылды. Акцияға М.Әуезов атындағы педагогикалық колледж ұстаздары мен студенттері қатысты.

Шара барысында уикипедия клубының үйлестірушісі, педагог-ұйымдастырушы-куратор Алмагүл Ибрагимова 2013 жылдан бергі клуб жұмысына, акцияның мақсаты мен міндеттеріне тоқталды. Зияткерлік мектеп оқушылары Альтаир Құсманов,  Алия Толымханова, Ажар Нургали, Зухра Икласова, Ақнұр Қазезова өз кезегінде қатысушыларға интернет энциклопедиясына тіркелу, мақала жазу мен жүктеудің қыр сырын үйретті.

Сондай-ақ, басқа да білім беру мекемелерінде аталмыш клубты құру, ұйымдастыру мен дамыту жұмыстары да талқыланды. М.Әуезов атындағы педагогикалық колледждің  ұстазы Бакытгул Койгельдина өз тәжірибесімен бөлісіп, уикипедиядағы мақалаларды мұрағатқа өте бай колледж мұражайынан толықтыруға болатындығын айтып, оқушыларымызға бағыт-бағдар беріп, жаңа жобалар мен идеяларды жүзеге асыруға  сәттілік  тіледі.