Башқұрт республикалық №3 мектеп-интернатымен өзара ынтымақтастық туралы меморандумға қол қойылды

Ақтау қаласындағы Назарбаев Зияткерлік мектебі мен Башқұрт Республикасының Кемертау қаласындағы Башқұрт республикалық №3 мектеп-интернаты арасында өзара ынтымақтастық туралы меморандумға қол қойылды. Осы Меморандумды іске асыру мақсатында тараптар өзара ынтымақтастықтың келесі бағыттары бойынша жұмыс жасайды: Бірлескен ғылыми жобаларды әзірлеуге бағытталған іс-шараларды өткізу. Екі тарап бір-бірімен іс-тәжірибелерімен алмасып, ұстаздардың біліктілігін арттыруда қатар жұмыстар жасау. Сондай ақ мерекелік, спорттық шараларды өткізіп, оқушылармен тығыз байланыста болу. Меморандум аясында Ақтаудағы NIS директоры Ринат Жұмабаев пен Башқұрт республикалық №3 мектеп-интернаты директоры Шаймурат Тимербулатов кездесу өткізіп, екі жақ келісімімен өзара меморандумға қол қойылды. Кездесуде екі тарап өз лебіздерін білдіріп, алда бірігіп жасалатын жұмыстар талқыланды.